Kuo pau ke ‘oatu ‘e he ngaahi potungāue´ pe kautaha kotoa pē kuo nau tauhi ho lekooti´ ha tatau pe ngofua ke ke sio ki ho lekooti´ ‘i ha taimi te ke fiema‘u ai.
‘Oku ‘i ai pē ‘a e ngaahi tefito‘i ‘uhinga ‘e ‘ikai ke fakangofua ai ‘e ha potungāue pe kautaha ha konga pe kotoa ‘a ho ngaahi lekooti´. Vakai ki he Lao´ pe ‘oku ‘iloa ko e Privacy Act pea mo e konga ‘oku fekau‘aki mo ho‘o totonu ki ho ngaahi lekooti´ ki ha ngaahi makatu‘unga kehe.
Kapau na‘e fakamamahi‘i koe pea kuo´ ke ‘osi fakahoko ha lāunga pe ‘oku´ ke faka‘amu ke fakahoko ha lāunga, te ke lava mo ho‘o fakafofonga lao ‘o kole ki he potungāue´ pe kautaha ‘oku nau ngāue ki ho‘o lāunga´ ki ha tatau ‘a ho‘o lekooti´.
Vakai ki he founga ke ma‘u ai ho‘o ngaahi lekooti´ ‘i he taimi te ke ‘eke ai ha totongi huhu‘iopen_in_new.
‘O kapau ‘oku ‘ikai te ke fakapapau‘i ‘a e potungāue pe kautaha ‘oku nau tauhi ho lekooti´ ‘e lava ke ke:
Fetu‘utaki ki he potungāue pe kautaha ‘oku nau tauhi ho lekooti´pea kole ha ngofua ki ai.
Fakatatau ki he kupu‘i lao ki ho‘o totonu fakafo‘ituitui´ pe ‘oku ‘iloa ko e Privacy Act, ‘oku´ ke ma‘u ‘a e totonu ki hono ‘eke ho lekooti´ ‘i he founga pē ‘oku´ ke fiema‘u ke fakahoko‘aki´:
‘Oku´ ke ma‘u ‘a e totonu ke ke ‘eke ho lekooti´ ta‘engāue‘aki ‘a e foomu ‘a e potungāue´ pe kautaha´. Kā ‘e lava ke loloa ange ha ngāue ‘a e potungāue´ pe kautaha´ ke fakakakato atu ho‘o kole´.
‘O kapau ‘oku fakavavevave ho‘o kole´ pea ke tānaki atu mo e ngaahi ‘uhinga ki ai, kuo pau leva ke tokanga ‘a e potungāue´ pe kautaha´ ki he natula ho‘o kole´.
‘E lava ke to e fiema‘u ‘e he potungāue´ pe kautaha´ ‘a ho‘o ngaahi fakamatala fakafo‘ituitui fekau‘aki mo koe´ ke fakapapau‘i koe mo hono kumi ‘a ho‘o lekooti´. Hangē ko e:
‘E kau ‘i he ngaahi me‘a ‘e lava ke to e fiema‘u ‘e he kau tauhi lekooti´ ke toe tānaki atu´, kau ai ha ngaahi fakamatala kehe fekau‘aki mo koe ke tokoni ki hono kumi ho lekooti´. Hangē ko e hingoa kakato ho‘o ongo mātu‘a´, pē hingoa mo e ‘aho fā‘ele‘i ‘a e toenga homou fānau na‘a mou nofo fakataha´.
Ko hono ‘uhinga,´ ‘i he taimi ‘e ni‘ihi ‘oku fa‘a tauhi ‘a ho lekooti´ ‘i he ngaahi faile fakafāmili.
Kuo pau ke tali atu ho‘o kole´ ‘i loto he ‘aho ngāue ‘e 20 fakataha mo ho‘o lekooti´ pē ko hono fakahā atu hangatonu kiate koe:
‘O kapau kuo ma‘u ho lekooti´ ‘e ha potungāue pe kautaha, te nau hanga ‘o (fufū‘i pē faka‘auha) hano konga (hangē ko e ngaahi fakaikiiki fekau‘aki mo ha ni‘ihi kehe). Vakai ki hono faka‘auha mo fufuu‘i ‘o ha lekootiopen_in_new.
‘O kapau ‘e ‘ave ‘e ha potungāue pe kautaha ho‘o kole´ ki ha ‘ōfisi kehe (‘i he ‘uhinga angamaheni he ‘oku ‘ikai tenau tauhi ai ho lekooti´), ‘e fiema‘u ke nau fakahoko ‘a e fakahū ho‘o kole´ mo tala atu ‘oku nau fakahoko e ngāue´ ‘i loto ‘i he ‘aho ngāue ‘e 10 hili hono ma‘u ho‘o kole´.
‘E tukuange leva ‘a e ‘aho ngāue ‘e 20 ki he feitu‘u fo‘ou ‘oku ‘ave ki ai ho‘o tohi kole´ ke nau fai mai ai ha tali hili ‘enau ma‘u ‘a e fekau´.
‘O kapau ‘oku ‘i ai hao lekooti, ‘oku totonu ke ‘i ai ha‘o totonu ki ai pe ma‘u atu ha‘o tatau ‘i ha founga kuo´ ke loto ki ai. Hangē ko eni´:
‘Oku ‘i ai ho‘o totonu ke ke sio ki ho‘o lekooti´ ‘i ha fa‘ahinga fokotu‘utu‘u pē ‘oku´ ke fiema‘u fakatatau ki he lao´ pe ‘oku ‘iloa ko e Privacy Act, kā ‘e ‘i ai pē ‘a e ngaahi fakangatangata. Vakai ki ho‘o totonu ke ke sio ki ho‘o lekooti´ ‘i ha fa‘ahinga fokotu‘utu‘u pē ‘oku´ ke fiema‘uopen_in_new.
‘O kapau ‘oku ‘ikai fakafiemālie ‘a e ‘uhinga kuo ‘oatu ‘e he ‘ōfisi´ fekau‘aki mo ‘enau tu‘utu‘uni ke ‘oua ‘e tuku atu ai ho lekooti´ ‘i he fokotu‘utu‘u na‘a´ ke fili´, te ke lava ‘o lāunga ki he komīsiona´ pe ‘oku ‘iloa ko e Privacy Commissioneropen_in_new.
Vakai fekau‘aki mo e fa‘ahinga lekooti ‘e lava ke ma‘u atu´open_in_new.
Learn more about your rights to access records.
‘E lava pē ke ke fiema‘u hā ngaahi fakamatala fekau‘aki mo e fāmili´ pe kāinga´ fakatatau ki he lau ‘a e lao´ ki he fakamatala´, ‘o ‘ikai toe fiema‘u ha tohi fakangofua mei a kinautolu pē ko ha‘anau fakafofonga lao.
Hangē ko e:
Feinga ke ke ‘ilo‘i ho‘o ngaahi totonu´ pea ko e hā ‘a e me‘a te ke fai kapau ‘oku ‘ikai ke ke fiemālie.
You have reached the maximum character limit.
You must enable JavaScript to submit this form