Ko ho lekooti na’e fa’u pea tohi’i ia mei he sio ‘a e kakai koia na’a nau tokonga’i koe´ lolotonga hono tauhi fakalao koe´ pē koe tokanga’i koe ‘e ha kakai kehe.
‘Aia ko ho lekooti´ ‘e lava ke lahi ai e lea oku numi, lea mata’itohi fakanounou, ngaahi lea ‘uhinga kehekehe kae nounou.
Mahalo ko ho’o lekooti´ ‘oku kau pē ai ‘a e ngaahi me’a mahu’inga kihe ngaahi kautaha´ (pea ‘ikai kau ai ‘a e ngaahi fakaikiiki ‘oku mahu’inga kia te koe).
‘Okapau ‘oku ke pehē ‘oku fehalaaki e ngaahi fakamatala ‘oku ma’u atu´, ‘oku ‘iai ho’o totonu keke fakatonutonu.
‘Ai keke ‘ilo hono fakatonutonu e fakamatala hala fekau’aki mo koe.
Koe ‘ū lekooti motu’a ange´ teke ala ma’u ai ‘a e ngaue’aki e ngaahi lea nekativi, faifakamaau, moe lea ta’efe’unga.
Koe kakai ko e´ na’anau ‘osi kole ‘enau lekooti´ na’a nau fakahoko mai ‘a e mahu’inga ke mahino kia te koe ko e founga ‘oku ne fakamatala’i koe´ ‘oku ‘ikai kene talamai ko koe ia he taimi ni´. Koe sio ia ‘a e kakai koe na’a nau fai ‘a e fakamatala´ ‘oku ‘ikai kenau mahino’i ‘a e me’a na’e hokotonu kia te koe´ kā ko‘enau fai’aki pē ‘enau sio kia te koe mo ho fāmili´ he taimi na’ake faingatā’ia ai´.
Ko ho’o ‘ilo ko e´ kihe kakai na’a nau tokanga’i fakalao pe tokanga’i koe mo ho famili´, ‘e malava ke ne ‘ohake ha ngaahi ongo fakamamahi kehekehe.‘E malava ke tokoni lahi kia te koe ke ke ‘ai ha taha teke lava ‘o talanoa tau’ataina kiai he lolotonga ho’o sio ki ho’o ‘ū´ lekooti´. Fekumi kihe ngaahi tokoni ‘oku ma’u he ngaahi uepisaiti lahi.
You have reached the maximum character limit.
You must enable JavaScript to submit this form