Lahi e kakai ‘oku nau kamata fekumi ki he ‘enau ngaahi lekooti´ mo e ‘amanaki te nau ma‘u ha fakamatala faka‘auliliki mo totonu.
Kae pangō´, ‘oku ‘ikai ke fa‘a hoko ia.
Talamai he kakai e ni‘ihi kuo nau fakatokoanga‘i ‘a e ‘ū me‘a ko ‘eni´ ‘i honau lekooti´:
Kapau ‘oku ‘ikai ke lava ha potungāue pe kautaha ‘o ma‘u atu ha tatau ho lekooti´, kuo pau ke nau fakahā atu. Fakatatau mo e lao ki he fakamatala fakafo‘ituitui´ pe ‘oku ‘iloa ko e Privacy Act, ‘oku ‘i ai ho‘o totonu ke ke ‘ilo hono ‘uhinga´.
Ko e kuohili´, na‘e tokanga pē e ngaahi potungāue´ ia pe kautaha´ ke hiki pē ‘a e me‘a na‘e fiema‘u faka‘aho mo fakatefito ki he taumu‘a fakapisinisi.
Ko e kakai ko ia kuo ma‘u ‘enau lekooti´, kuo nau fakatokanga‘i ‘oku ‘i ai e ngaahi potungāue pe kautaha ‘oku ‘ikai ke nau tokanga kinautolu ke tauhi ha fakamatala ‘oku tonu mo kakato fekau‘aki mo e me‘a na‘e hoko he taimi ko ia na‘e tokanga‘i fakalao pe tokanga‘i ai kinautolu ‘e ha taha kehe.
Fakatatau mo e lao ki he fakamatala fakafo‘ituitui´ pe Privacy Act, ‘oku ‘i ai e ngaahi fakamatala ‘oku fiema‘u ke to‘o mei´ ho lekooti´. Ko hono to‘o mei ho lekooti´ ‘oku ‘uhinga ia ko e ngaahi fakamatala e ni‘ihi kuo ‘uluaki to‘o pe fufū‘i ia kimu‘a pea´ ke toki sio ki ai.
‘Ai ke ke ‘ilo fekau‘aki mo e to‘o pe fufū’i e ngaahi fakamatala´
You have reached the maximum character limit.
You must enable JavaScript to submit this form