‘O kapau ‘e ‘i ai ha kautaha ‘e ‘ikai ke nau fakatokanga‘i ho‘o ngaahi totonu fakatatau ki he lao malu‘i ‘o e fakamatala fakafo‘ituitui´, ‘e lava ke ke lāunga hangatonu ki ai.
Hangē ko eni´, te ke lava ‘o fakahoko ha‘o lāunga ki he Komisiona malu‘i ongoongo´ koe‘uhi´ ko ha potungāue pe kautaha:
Tohi ho‘o lāunga´ (‘i he ‘īmeili pē tohi nima), fakamatala‘i ko e hā ‘a e tūkunga ‘o e lāunga´ mo e hā ‘a e me‘a ‘oku´ ke fiema‘u kenau fai.´
‘O kapau ‘oku ‘ikai te ke fiemālie ki he ‘enau tali ‘oku fai ki ho‘o lāunga´, ‘alu leva ‘o sio ki he Komisiona malu‘i fakamatala´.
Ko e angamaheni´ he ‘ikai fakatotolo‘i ‘e he Komisiona´ ha lāunga ka e ‘oua kuo´ ke ‘uluaki fakahoko ‘a e lāunga ki he kautaha´.
Vakai ki he founga ki hono fakahoko ha‘o lāunga ki he Komisiona malu‘i fakamatala fakafo‘ituitui mo e founga kenau tokoni‘i koe.
‘O kapau ‘oku´ ke kole ‘a e lekooti ‘oku tauhi ‘e he fakamaau‘anga´ mei ha keisi na‘e ‘ikai ko e faka‘iloā koe pē ko e tokotaha mamahi´, ‘e fa‘iteliha pē ‘a e ‘ōfisa lao (Fakamaau) ‘o e falehopo´ ke ne fili ke ta‘etali ho‘o kole´.
‘O kapau ko ha taha koe na‘e fakamamahi‘i ‘i he tauhi‘anga ‘o e kau faka‘ofa´ pea ‘oku´ ke kole ‘a e lekooti mei he fakamaau‘anga´ kau kia koe, ‘e tali fakalukufua atu ‘e he fakamaau‘anga´ ke ngofua ho‘o ma‘u ‘a e fakamatala´, ‘o tautautefito eni kapau ko e ‘ai ke poupou‘i ha ‘eke huhu‘i.
‘O kapau ko ho‘o kole ha lekooti ‘a e fakamaau‘anga´ mei ha to e potungāue pe kautaha kehe, hangē ko e ngaahi ngāue‘anga tokoni ki he kau faingata‘a‘ia´, angamaheni ki he lao malu‘i ‘o e fakamatala fakafo‘ituitui´ ‘oku ‘iloa ko e Privacy Act mo e lao ‘oku ‘iloa ko e Official Information Act mo hono ngaahi tu‘utu‘uni makehe, tukukehe kā ‘oku ‘i ai ha tu‘utu‘uni ‘a e falehopo´ pē malu‘i nautolu mei hono tuku atu ‘a e lekooti´ kia koe´.
You have reached the maximum character limit.
You must enable JavaScript to submit this form