Ngāue‘aki ‘a e foomu he ‘initaneti´ ke kole ke kumi ‘a ho‘o ngaahi fakamatala fakataautaha´ mei he ngaahi kautaha pe potungāue ‘i Nu‘u Sila ni´.
Vakai ki he founga kole ke kumi ‘a ho ngaahi lekooti´.
‘Oku´ ke ‘ilo‘i nai ‘a e kautaha pe potungāue ‘oku ngalingali ‘e tauhi ai ho ngaahi lekooti´? Vakai ki he feitu‘u ‘oku tauhi ‘a e ngaahi lekooti fekau‘aki mo e feitu‘u na‘e tauhi pe tokanga‘i ai ‘a e kakai´.
Hili ‘a ho‘o fakakakato ‘a e foomu´, ‘e lava ‘e he founga ngāue ko ‘eni´ ‘o ‘ave ‘i he ‘īmeili´ ki he ngaahi kautaha pe potungāue ‘oku´ ke loto ke ‘omi mei ai ho lekooti´ mo e fakaikiiki ki ho ngaahi fakamatala fakataautaha´.
‘E hā ‘i he ‘īmeili´ ha fakamatala fekau‘aki mo e ngaahi me‘a ‘e fiema‘u ke fakakau ‘i hono tali atu ‘a ho‘o kole mo e taimi ke fakahoko ai eni´.
‘E ‘i ai ho faingamālie ke vakai‘i ‘a ho‘o kole´ ki mu‘a pea toki ‘ave´. Te nau toki ‘īmeili atu ke fakapapau‘i kuo kakato ‘a hono fakafonu ‘a e foomu´ pea ‘e ‘ave ha tatau ‘o e fetu‘utaki ‘īmeili´ ki he ngaahi kautaha´ pe potungāue´.
Kuo pau ke fakapapau‘i ‘e he ngaahi kautaha´ pe potungaue´ ‘a kinautolu ‘oku ‘anautolu ‘a e ngaahi lekooti´ pea toki tuku atu ha fakamatala pe lekooti.
Kapau ‘oku kau ‘i ho lekooti´ ha ngaahi fakamatala ‘oku fu‘u fiema‘u ‘aupito ke tauhi malu pe ko ha fakamatala ‘oku pelepelengesi, ‘oku mahu‘inga ‘aupito ke ke toumu‘a tā pe tohi hangatonu ki he kautaha pe potungāue ko ia´ pea ‘e ‘ikai ke ‘īmeili atu ‘a e ola ‘a ho‘o kole´.
Ke fakapapau‘i ‘oku to e lelei ange ‘a hono ngāue‘aki ‘a e foomu´, ‘oku mau vakai‘i ma‘u pē ‘a e ngaahi me‘a ko ‘eni´:
‘Oku ‘ikai ke mau tauhi ha ngaahi fakamatala fekau ‘aki mo ho‘o kole´ pē ko ha ola kuo tuku atu. Learn more on our privacy page.
‘Oku ‘ikai ke fiema‘u ia ke ke ngāue‘aki ‘a e foomu´ ke fakahoko ‘a ho‘o kole ke kumi ‘a ho‘o lekooti´. ‘E lava pē ke ke fetu‘utaki hangatonu ki he kautaha´ pe potungāue´.
Vakai ki he founga fetu‘utaki ki he ngaahi kautaha pe potungāue ‘oku nau tauhi ‘a e ngaahi lekooti ‘o kinautolu na‘e tauhi pe tokanga‘i ‘e ha ni‘ihi kehe.
Ko e founga ngāue ko ‘eni´ ‘e ‘īmeili ‘a ho‘o kole´ ki he kautaha pe ngaahi kautaha kuo´ ke loto ki ai´.
Kapau ‘oku kau ha ngaahi fakamatala ‘oku fu‘u fiema‘u ‘aupito ke tauhi malu pe ko ha fakamatala ‘oku pelepelengesi ‘oku mahu‘inga ‘aupito ke ke toumu‘a tā pe tohi hangatonu ki he kautaha pe potungāue ko ia´ pea ‘e ‘ikai ke ‘īmeili atu ‘a e ola ‘a ho‘o kole´.
Kuo pau ke fetu‘utaki atu ‘a e kautaha´ pe potungāue´ ‘i loto he ‘aho ngāue ‘e 20 hili ‘enau ma‘u ho‘o kole´ (‘oku ‘ikai kau heni ‘a e faka‘osinga ‘o e uike´, ngaahi ‘aho mālōloo´ mo e vaha‘a ‘o e ‘aho 25 Tīsema ki he ‘aho 15 Sanuali).
Kuo pau ke fakapapau‘i ‘e he ngaahi kautaha´ pe potungaue´ ‘akinautolu ‘oku ‘anautolu ‘a e ngaahi lekooti´ pea toki tuku atu ha fakamatala pe lekooti. ‘E lava pē kenau to e fiema‘u ha ngaahi fakamatala kehe mei a koe.
Kapau kuo fakahā atu ‘e ha kautaha´ tenau tuku atu ‘a ho‘o ngaahi fakamatala fakataautaha´ pea ‘ikai kenau fakakau eni ‘i he fakamatala kuo ma‘u atu´. Kuo pau ke nau tuku atu ha ‘uhinga ‘i he vave taha´ ‘o ‘ikai to e toloi.
Kapau kuo nau fakahā ‘e ‘ikai kenau tuku atu ho ngaahi lekooti´, kuo pau kenau ‘oatu ha ‘uhinga ‘oku ‘ikai ke fakahoko ai eni´. ‘E lava ke kole ki he komīsiona ki he ngaahi fakamatala´ pe ‘oku ‘iloa ko e Privacy Commissioner kenau to e vakai‘i ‘a e tu‘utu‘uni ko ‘eni´.
Kapau ko ho‘o kole´ na‘e fakahoko ki ha kautaha pe potungāue ma‘a e kakai´ (hangē ko ha potungāue ‘a e pule‘anga´), ‘oku ‘ikai totonu ke totongi eni.
Kapau na‘e fakahoko ‘a ho‘o kole´ ki ha sekitoa pe kautaha fakataautaha mahalo pe na‘a ‘oku ‘i ai ha totongi ka ‘oku totonu ke fakapotopoto pe ‘a e totongi´.
Kapau ‘oku ‘iai ha totongi, kuo pau ke toumu‘a fakahā atu ‘e he kautaha´ pe potungāue´.
Kapau ‘oku ‘ikai ke ke fiemālie pea mo e ngaahi totongi´, ‘e lava ke ke lāunga ki he komīsona´ pe Privacy Commissioner.