Kāore he aha e taea ai te āta whakatikatika ngā hara i rongo ai ngā mōrehu o te tūkinotanga i te noho tiaki. Ko te puretumu koia ko te whai tūāoma whaitake ki te whakatutuki i ēnei whāinga.
Ka pupū ake pea i tēnei kaupapa ko te mahi a ngā kare-ā-roto. Kei konei ētahi marohi āwhina, tautoko hoki e wātea ana ki a koe.
Kei te pūrongo hukihuki a te Rōera Kōmihana mō te Tūkinotanga i te Noho Tiaki mō te puretumu, i tāia i te Hakihea o 2021, e kī ana te kōrero me rau atu ki te puretumu ka whakawhiwhia ki ngā mōrehu o te tūkinotanga, koia ēnei:
he whakapāha
he utu ā-moni
he mahi whakaora
he hononga ki ngā ratonga tautoko
he hāpai takohanga e te hunga whai kawenga mō ngā tūkinotanga i mahia
he aukati atu i te haere tonu o te mahi tūkino.
Tērā ētahi whakahaere kāwanatanga, whakapono hoki, ka tuku atu i te puretumu waho-kōti ki ngā mōrehu o te tūkinotanga. Koia pea ko te utu ā-moni, ko te whakapāha, ko ētahi atu ratonga tautoko, whakaora anō hoki.
Ka taea e koe te tuku tono puretumu ki te whakahaere e whai takohanga ana mō te tiaki i a koe (nāna rānei i hāpai te takohanga mō te puretumu).
Ākona he kōrero mō te wā ka taea e tō whānai te kōkiri tō tono ina ka mate koe i mua i te whai puretumu mō te tūkinotanga i te noho tiakitanga kāwanatanga.
Ākona he kōrero anō mō te tukanga puretumu me ngā whakahaere ka tuku puretumu.
Ka taea hoki e koe te kōwhiri te haere ki te kōti, ka māraurau pea ki te whai tautoko / utu paremata i te Kaporeihana Āwhina Hunga Whara.
Mō te hunga ka kōwhiri ki te tuku tono mō te puretumu, he tukanga whai wero tēnei. Ākona ko whea koe e kimi tautoko ki te āwhina i a koe ki te tuku tono.
You must enable JavaScript to submit this form