Ko te whāngai, ka whakatipuria te tamaiti e tētahi ehara i te matua whānau. I te nuinga o te wā, he whanaunga tonu, pēnei i ngā kaumātua.
Ko te tikanga o te mahi whāngai nei, he whakakaha i ngā hononga whānau, hapū, iwi hoki, he whakatutuki i ngā kawenga o te whānau.
Ka mōhio pea te tamaiti whāngai ki ōna mātua whānau me ōna mātua whāngai hoki. I te nuinga o te wā, ka whai wāhi te whānau whānui ki te whakatau whāngai.
Ko te mahi whāngai nei, ka taea te kawe mā te tukanga ā-ture, mā te tikanga rānei, mā ngā huarahi e rua rānei.
Mehemea i whakatipuria koe hei tamaiti whāngai, ka whai pūranga mehemea i whai wāhi te kāwanatanga ki ngā whakahaere.
Ākona ngā kōrero mō ngā whakahaere kāwanatanga ka whai pūranga prea mō tō noho whāngai, noho rānei ki te tiaki ā-whānau.
Ko te noho atawhai, koia ko te whakanoho a Ortanga Tamariki (ko tētahi whakahaere rānei nō mua) i te tamaiti kia atawhaitia e tētahi (i te nuinga o te wā, ehara i te matua whānau).
Ko te noho atawhai, he noho wā poto, he noho wā roa rānei, he noho pūmau rānei.
Ka taea te tamaiti tea tawhai e te whanaunga, e te hoa rānei o te whānau. Hei ētahi wā, ka kīia tēnei ko te tiaki ā-whānau.
Mehemea i noho atawhai koe, ka taea te tono pūranga i a Oranga Tamariki.
I te nuinga o te wā, ko te tikanga o te whāngai ā-ture, he ‘whāngaitanga ā-ture ōkawa’. Arā, ka whakaputa te Kōti Whānau i te ota whāngaitanga ā-ture.
Mō ngā whāngaitanga ā-ture ōkawa, ka whakaputatia e te Kōti Whānau tētahi ota whāngaitanga ā-ture, kātahi ka rēhitatia e te Tari Whānautanga, Matenga, Mārenatanga hoki.
Ka taea te tikanga whāngai te takahuri hei whāngaitanga ā-ture ōkawa mehemea ka tono ngā mātua whāngai kia whāngai ā-ture ōkawa i te tamaiti.
Mehemea i whāngaitia ā-ture kore i Aotearoa, ka pupuritia ngā pūranga whāngaitanga ā-ture e:
You have reached the maximum character limit.
You must enable JavaScript to submit this form