Tērā pea kua ngaro ō pūranga kōrero, arā:
Mehemea kāore e taea e tētahi whakahaere te hoatu ō pūranga kōrero, me whakamōhio rātau i a koe. I raro i te Ture Matatapu, kei te whai tika koe ki te mōhio he aha i pēnei ai.
Ākona ngā tino take e iti iho ana ngā pūranga kōrero ka tukua ki a koe tērā i tāu i kawatau ai.
Mehemea kāore e taea e tētahi whakahaere te hoatu ō pūranga kōrero, he āwhina pea te kimi haere i ētahi atu mōhiohio nō mua mō te wāhi i noho koe i a koe e tiakina ana.
He kōrero nūpepa pea tēnei, he whakaahua, he pukapuka, he pūranga tuku ā-waha rānei.
Hei tauira, ka taea te rapu haere te pae tukutuku o Te Rua Mahara o Aotearoaopen_in_new, o Te Puna Mātauranga o Aotearoa rāneiopen_in_new.
Ka taea te tono ngā pūranga kōrero mōu i ētahi atu whakahaere.
Hei tauira, mehemea kua whakamoea te whakahaere nāna i whakatau ko whea koe i noho ai, ki a wai koe i noho ai, tērā pea kei wāhi kē pea ngā pūranga kōrero mōu.
Heoi, tērā pea i nui atu i te kotahi ngā whakahaere nāna ngā whakatau mōu, nō reira pea ka taea te tono he momo pūranga kōrero i tētahi o ēnei whakahaere.
He tautoko e wātea ana ki a koe ki te whaiwhai haere i ngā momo whakahaere e tono ai koe i ō pūranga kōrero i a rātau. He whakaaro ō mātau mō ngā wāhi e kite ai koe i te tautoko.
You have reached the maximum character limit.
You must enable JavaScript to submit this form