He mea waihanga, he mea tuhituhi ngā pūranga kōrero mōu e ngā tāngata i whai kawenga ki te tiaki i a koe nō te wā i noho ai koe ki te kaitiakitanga o tāngata kē.
Heoi, kā kitea nuitia pea i ō pūranga kōrero he kupu whakapoto, he kupu rāpoto, he kupu hangarau hoki.
Ka kitea hoki pea ki ō pūranga kōrero he mōhiohio i whai take ki te whakahaere (me te kore pea i whakaurua atu ai ngā taipitopito i whai take ki a koe).
Mehemea kei te māharahara koe e hē ana ngā mōhiohio mōu kua tukuna ki a koe, kei te whai tika koe ki te tono kia whakatikahia.
Ākona me pēhea e tono ai kia whakatikatia ngā mōhiohio hē mōu.
Tērā pea koe ka pāmamae tonu i te kite atu i ngā tuhinga mōu, mō tō whānau hoki a te hunga i whai kawenga ki te tiaki i a koe.
Ka kitea pea i ngā pūranga kōrero e tawhito ana he reo e tōraro ana, e whakawā ana, e kiriweti ana rānei.
Tērā tētahi tangata i tono i ngā pūranga kōrero mōna anō, ka kī mai ki a mātau he mea nui te mōhio e kore ngā kōrero mōu i ō pūranga kōrero e whakatau ko wai koe. He tirohanga kotahi noa iho nei tēnei i tuhia e te tangata kāore pea i tino mōhio ki a koe, i kite noa nei i a koutou ko tō whānau i ngā wā tino uaua.
Tērā pea ka whai āwhina koe i te kōrero ki tētahi tangata tautoko i a koe e titiro ana ki ngā pūrango kōrero mōu. Ākona he aha ngā tautoko e wātea ana.
You have reached the maximum character limit.
You must enable JavaScript to submit this form