Ko te mōhio tērā anō ētahi tāngata ka taea te whai wāhi ki ngā pūranga mōu hei mua tonu i tō whai wāhiatanga atu, ka tō mai i te mahi a ngā kare-ā-roto. Kimihia he aha te āwhina me te tautoko e wātea ana ki a koe.
Ka whakarite te Ture Matatapu 2020open_in_new kia pēhea te kohikohi, te whakamahi, te tuari me te pupuri a ngā whakahaere i ngā mōhiohio whaiaro.
Ka whakamārama te Mātāpono 11 o te Ture Matatapu (‘Te whākitanga atu o te mōhiohio whaiaro) ka taea e tētahi whakahaere te hoatu ngā pūranga mōu ki a wai.
Ko te tikanga whānui o te Mātāpono 11 nei, kāore e taea e tētahi whakahaere te hoatu ngā mōhiohio mōu ki te tangata, ki te whakahaere kē, hāunga tētahi take ā-ture.
Ka whakamārama te Mātāpono 10 kia pēhea tētahi whakahaere e whakamahi i ō mōhiohio whaiaro. Ko te tikanga whānui o te Mātāpono 10, ka taea noatia e ngā whakahaere te whakamahi te mōhiohio whaiaro mō te take i kohia ai, ā tērā hoki ngā here e here ana i te whakamahitanga o te mōhiohio whaiaro mō take kē.
Ko ngā tāngata ka taea pea te whai wāhi atu ki ō pūranga, ko:
Kei te whakaaetia tā ētahi tari kāwanatanga tuari i ō mōhiohio whaiaro ki tari kē, ka whakamahia rānei kia pēnei, i raro i te Ture Matatapu, i ture kē rānei.
Hei tauira, ko te Manatu Whakahiato Ora, ko Oranga Tamariki, ko Te Tāhu o Te Ture me ētahi atu tari ka taea te tuari mōhiohio ki waenga i a rātau hei whakahaumaru i ngā tamariki me ngā rangatahi i te tūkinotanga ā-whānau.
Mehemea ka whakapūrongotia te mahi tūkino, te mahi taihara rānei a te tangata, ka whakamahia pea te wāhanga Kerēme Nō Mua o Te Manatū Whakahiato Ora me Oranga Tamariki ki te tuari i taua mōhiohio ki ngā Pirihimana.
Mehemea kei te māharahara koe kua hoatu hē tētahi whakahaere i ō pūranga ki te tangata, ki te whakahaere rānei, ka taea te whakapā atu ki te whakahaere e pupuri ana i ō pūranga i te tuarahi.
Mehemea kāore koe i te tau ki te urupare a te whakahaere ki ō māharahara, ka taea te tuku amuamu ki te Tari o te Mana Mātāpono Matatapu.
Ākona ka pēhea te tuku amuamu ki te Mana Mātāpono Matatapu.
I 2019, i kite Te Rua Mahara o Aotearoa me Oranga Tamariki, tērā ētahi pūranga nō mua i te kohinga Pūranga e mau ana i ngā taipitopito whaiaro o te tangata kua tohua hētia he ‘tuwhera katoa’.
Ko te tikanga o tēnei āhuatanga, ka taea e te tangata te whai wāhi atu ki ngā pūranga nei me te korenga o te whakaae a Oranga Tamariki, te tari whakahaere mō ngā pūranga.
I tā rātau pānui pāpāho, ka mea rātau kei te whakatikatika haere rātau i tēnei āhuatanga, i āki hoki i ētahi atu tari kia arotake i te kōmakatanga o ngā pūranga kua tukua ki Te Rua Mahara o Aotearoa.
You have reached the maximum character limit.
You must enable JavaScript to submit this form