Mehemea he take ohotata, waeahia a 111 i taua wā tonu. Mehemea kāore koe i te mōhio me pēhea, waeahia tonutia a 111. Mō ētahi atu take, me toro atu ki tā mātau whārangi Ngā Waea Āwhina me ngā Ratonga Tautoko.
E tū kahikatea, hei whakapae ururoa Awhi mai Awhi atu Tātou tātou e Stand like the Kahikatea Stand against the storm Together, united, we will survive
Whakarongo ki te waiata nei i te kōpae Ngā Pihi 1 albumopen_in_new (ka rere pea ngā pānui hokohoko i mua i te waiata)
"He papaku ngā pakiaka o te kahikatea. Ka raumata ngā pakiaka o te uru kia tipu ake ngā rākau kia teitei rawa. Koinei te tū ngātahi o ngā rākau nei”. Nā Hirini Melbourne (Te Wao Nui a Tāne).
Kua rongo kōrero mātau i ngā tāngata i wheako ai i te tukanga whai pūranga mō te wāhi nui ki te tautoko.
Kei raro nei ko ētahi whakaaro mō ngā momo tautoko ka whai hua ki a koe. Ka taea hoki te tirotiro te rārangi o ngā rōpū tautoko, rōpū akiaki me ngā waea āwhina hokiopen_in_new.
He mea nui tō oranga. Rapua ngā whakaaro mō te taki whakakī haere i tō Kōnae Oranga
Ka whakamahi mātau i te Whare Tapa Whā hei tauira mō te orange me te hauora.
Ka whai whakaaro ki ngā āhuatanga e whā o te whānau, te tinana, te hinengaro me te wairua, me ngā hononga hoki ki te whenua.
Mō ētahi, he wā pea tēnei ki te kimi tautoko ngaio i te tākuta, i te kaitohutohu, i te kaihaumanu rānei.
E kore pea e tika te haumanu kōrero mō ngā tāngata katoa. Tērā anō ētahi momo haumanu, ratonga rānei ka whai hua, pēnei i te mirimiri me te kaimahi rongoā.
Ka hiahia pea koe ki te tautoko whai take me te tukanga nei, pēnei i:
He nui atu i te 80 ngā tari o Ngā Pou Whakawhirinaki o Aotearoa (CABs) puta noa i te motu ka whakahaeretia e ngā kaitūao.Rapua tētahi Pou Whakawhirinaki o Aotearoa (CAB)open_in_new. Ka taea hoki te toro atu te pae tukutuku, te waea rānei ki 0800 367 222. Tērā anō hoki tētahi pae tukutuku mā ngā rangatahi Kete Taputapu Rangitahi.open_in_new
Ko ngā tamariki me ngā rangatahi i whai wheako mō te noho ki te whare tiaki, ka taea te whai wāhi ki tētahi Kaiwhakamana nā Voyce Whakarongo Maiopen_in_new.
Ka taea hoki e ngā Ratonga Whakawhiti a Oranga Tamariki te tuku tautoko ki te hunga e 15-25 tau te pakeke, Tautoko whakawhiti mā ngā rangatahi, Oranga Tamarikiopen_in_new.
Ko te Ratonga Wheako Mōrehu he ratonga mō ngā tāngata i tūkinotia i ngā whare tiaki a te kāwanatanga, a ngā hāhi, a whakahaere kē rānei (hei tauira, he kura tū motuhake, he whakahaere nō waho i te kāwanatanga).
He mea ārahi tēnei e ngā mōrehu, nā ngā mōrehu, mō ngā mōrehu. Ka ārahina tēnei e tētahi Poari Motuhake me ōna mema mōrehu tūkinotanga nō ngā taiao kanorau.
E rua ngā ratonga ka whakawhiwhia atu ki ngā mōrehu me ngā whānau, tae atu ki ngā huarahi mō te Tautoko Tuari Wheako, Pūranga hoki.
Ratonga Wheako Mōrehuopen_in_new
Mehemea he mōrehu koe nō te tūkinotanga i a koe e noho ana ki te whare tiaki a te kāwanatanga, a te hāhi rānei, ka whai hua pea ki a koe ngā ratonga e rārangi iho nei.
Ākona ka pēhea te Ratonga Wheako Mōrehu e tautoko i a koeopen_in_new.
Ngā rōpū tautoko mōrehu kei ngā pae pāpori Tērā ētahi rōpū tautoko mōrehu kei ngā pae pāpori. Ka taea ēnei te raou mā ngā kupumatua me te wāhi.
Ka taea te arotake te pono o ngā rōpū pae pāpori nei mā te titiro tokohia ngā kaitautoko me te pānui hoki i ngā pōhi me ngā kōrero.
NZCAST (Te Tarahiti Mahi Aroha o te Kāhui Tāngata i Tūkinotia i te Noho Tiaki Kāwanatanga). He whakahaere tēnei nō waho i te kāwanatanga, ka ārahina e ngā mōrehu mō ngā mōrehu, ka whakawhiwhia atu i ngā momo tautoko kanorau. Toroa te pae tukutuku a NZCASTopen_in_new.
Ko ētahi pea o ēnei whkaahaere me ēnei rōpū ka whai hua ki a koe mehemea kei te whakaaro koe ki te tuku kerēme, kua tukua kētia rānei.
Te Ture Hapori - Rapua te Pokapū Ture Hapori e tata ana ki a koeopen_in_new.
Ka whakawhiwhi atu Te Ture Hapori i te whakakanohitanga ā-ture mā te rōia. Ka māraurau hoki pea koe ki te āwhina ā-ture.
Te Pou Whakawhirinaki o Aotearoaopen_in_new e tata ana ki a koe.
Ka taea hoki te tono atu ki Te Kaporeihana Āwhina Hunga Whara (ACC). Ko ACC te tari kāwanatanga e kōkiri ana i ngā kerēme āritatira.
Me whai mahara kia arotake koe i a koe anō e pēhea ana ō kare-ā-roto i ngā tūāoma o te tukanga.
Kāore he whakatau hē, tika rānei. Nōu tonu te tikanga mō te mahi ka whai koe, mō te pēheatanga hoki o te mahi.
Tērā ētahi tāngata kua whai i ā rātau pūranga mō ētahi tau, kua kōwhiri kia kaua rātau e pānui. Tērā anō ētahi atu ka pānui kau. Ko ētahi āhuatanga hei whakaaro mōu, koia ēnei:
He whai tikanga tonu te whai taiapa mārama me te tikanga whakawhiti kōrero pai ki te whānau me ētahi atu kaitautoko. He pai anō hoki mehemea kei te mārama ngā tāngata katoa ki ngā kawatau – he aha te tautoko whai painga, he aha e kore ai, he aha ngā mahi ka taea tonu e te tangata.
Ka rerekē haere pea ēnei i te huringa o te wā, nā e pai tonu kia rite tonu te pātai haere mō ēnei āhuatanga.
Ko te roa o te wā e tukua ai ō pūranga kia koe, ka rerekē i runga i ngā momo āhuatanga pēnei i:
He aha ka taea e koe mehemea ka whakawhiwhia koe ki ngā pūranga ruarua kore noa iho rānei?
You have reached the maximum character limit.
You must enable JavaScript to submit this form