I te nuinga o te wā, kei te noho here ngā pūranga e pupuritia ana e Te Rua Mahara o Aotearoa me he mōhiohio whaiaro kei roto, ā, me kimi whakaaetanga koe i te tari whakahere kia whai wāhi atu.
Ko te tari whakahaere, koia ko te tari kāwanatanga e whakahaere ana i ngā pūranga. Hei tauira, ko Oranga Tamariki te tari whakahaere mō ngā pūranga e pā ana ki te nuinga o ngā whare tamariki.
Nā, mehemea e hāngai ana tō amuamu ki te whakautu a te tari whakahaere, ka taea te tuku amuamu ki te tari whakahaere.
Ākona ka pēhea te tuku amuamu mō ngā tari kāwanatanga.
Mehemea he amuamu tāu mō Te Rua Mahara o Aotearoa tonu, ka taea te tuku mai mā te ī-mēra ki general.enquiries@dia.govt.nz.
Mehemea e hiahia ana te tari whakahaere ki te whakarerekē i tētahi pūranga e pupuritia ana e Te Rua Mahara o Aotearoa, me kōrero rātau ki Te Rua Mahara o Aotearoa. Ko ngā pūranga e pupuritia ana e Te Rua Mahara o Aotearoa, ko ngā pūranga pūmau tonu – ko te tikanga, kāore Te Rua Mahara o Aotearoa e whakarerekē i ēnei pūranga, kia whakahaua rawatia e tētahi Kaiwhakawā.
Ko te tikanga, ka aromātai anake te Kaitiaki Mana Tangata i tō amuamu mehemea kua whakamātautau kē koe i te tuku amuamu ki Te Rua Mahara o Aotearoa. Heoi, mehemea kei te hāngai tō amuamu ki tā rātau whakautu ki tō tono pūranga, ka taea te haere kotahi atu ki te Kaitiaki Mana Tangata.
Ka aro te Kaitiaki Mana Tangata ki ngā amuamu e pā ana ki ngā tari kāwanatanga, me ētahi whakahaere ka kirimanatia e ngā tari kāwanatanga.
Hei tauira, ka taea te tuku amuamu ki te Kaitiaki Mana Tangata mehema kāore koe i te tau ki te whakautu a Te Rua Mahara o Aotearoa ki tō amuamu mō:
Ākona ka pēhea te tuku amuamu ki te Kaitiaki Mana Tangata.
You have reached the maximum character limit.
You must enable JavaScript to submit this form