Ka taea e te tangata te tuku tono kia whai wāhi ki ngā pūranga kei Te Rua Mahara o Aotearoa, hāunga ngā pūranga e noho here ana. Ko ngā pūranga mō te tangata i noho tiaki, ka noho here i te nuinga o te wā i roto i Te Rua Mahara o Aotearoa.
Ko te tono i ō pūranga ka tō mai i te mahi a ngā kare-ā-roto. Ākona ko whea koe e kimi tautoko hei āwhina i a koe i tō haerenga.
Mehemea kei te hiahia koe ki te tono pūranga mōu, mō tō whānau rānei e pupuritia ana e Te Rua Mahara o Aotearoa, ka whakamahia Te Rua Mahara ki te kimi whakaaetanga i te tari kāwanatanga nāna i waihanga te pūranga (hei tauira, ko Oranga Tamariki, ko Te Tāhuhu o te Mātauranga rānei).
Ko te tikanga, me pātai koe ki te tari kāwanatanga kia whakaae ia mā Te Rua Mahara e tuku whai wāhitanga ki ngā pūranga, i mua i tō tono pūranga ki Te Rua Mahara o Aotearoa.
Heoi, mehemea ka tono koe ki te tari kāwanatanga i te tuatahi, ka taea e rātau te tiki:
Ākona ka pēhea te tono whai wāhitanga ki ō pūranga i ngā tari kāwanatanga.
Ko tētahi anō take kia tono pūranga i ngā tari kāwanatanga, kaua ko Te Rua Mahara o Aotearoa, tērā ka nui ake ngā kōwhiringa mō te tuku pūranga ki a koe.
Mehemea kei te whare herehere, me whakapā tonu atu ki te tari kāwanatanga. Ka taea e Te Rua Mahara o Aotearoa te whakautu pātai mā te pōhi, engari kāore e taea te tuku tārua pūranga. Ka taea tonutia e te tari kāwanatanga nāna i waihanga ngā pūranga.
Ka whakatau pea koe ki te kimi haere i ngā pūranga e wātea ana ki te iwi tūmatanui (e herekore ana).
He pūranga ēnei kāore he mōhiohio whaiaro, pēnei i ngā mōhiohio mō ngā tari kāwanatanga, whakahaere rānei (hei tauira, ko ngā pānui niupepa, pūrongo, kaupapahere rānei).
Ka taea te whai wāhi atu ki ēnei me te kore e whai whakaaetanga a ngē tari kāwanatanga nāna i waihanga.
Ka taea koe te āwhina e tētahi kaipūranga ki te kimi i ngā pūranga e whai take ana ki a koe, ki tō whānau rānei, mehemea ka whakakī koe i te pukatono tuihono a Te Rua Mahara o Aotearoaopen_in_new. Ka tae atu ki te 15 rā mahi te roa o te wā e tuku whakautu te kaipūranga ki a koe.
Hei tauira, kei te pouaka rapu ka taea te patopato atu (me te waiho atu i ngā tohu takitaki):
te ingoa o te whakahaere, o te tari kāwanatanga, pēnei i ‘te kura o marylands’ hoki / rānei
ngā momo pūranga i waihanga ai rātau (pēnei i ‘ngā rēhita hohipera i tokanui’).
Ina ka rapu haere koe i te pātengi raraunga o Te Rua Mahara o Aotearoa, ka kite koe i ētahi hua rapu.
Kei ia pūranga he mōhiohio mōna. Ko ngā mōhiohio ka whai take ki a koe, koia:
te wāhi e takoto ana te pūranga (hei tauira, mehemea kei Te Whanga-nui-a-Tara, kei Tāmaki Makau-rau, kei Ōtautahi, kei Ōtepoti rānei)
mehemea kei te hiahia whakaaetanga kia whai wāhi atu (ko tāna ‘āhua whai wāhi’)
ko wai te hunga me whakapā atu koe kia whai whakaaetanga kia kite i te pūranga (ko tāna ‘tariwhakapā whai wāhi’) mehemea he pūranga ā-pepa, ā-matihiko rānei.
Ākona he kōrero anō kia mārama ake ki ngā hua rapu a Te Rua Mahara o Aotearoa.open_in_new
Ina ka kite koe i te pūranga e whai take ana ki a koe, me titiro mehemea e herea ana te whai wāhi atu.
Mehemea kei te herea, me whakapā atu koe ki te tari kāwanatanga e whakahaere ana i te pūranga. Kei te pūranga, ka kīia ēnei te ‘tari whakapā whai wāhi’. Hei tauira, ko te tari whakapā whai wāhi mō te nuinga o ngā pūranga tiaki tamariki ko Oranga Tamariki.
Ina ka whakapā atu koe ki te tari kāwanatanga kia whai whakaaetanga ki te whai wāhi ki ngā pūranga e herea ana, ka tuku pea rātau i te whakaaetanga:
Kei te tari kāwanatanga te tikanga. Me pātai atu kia tuku te tari kāwanatanga i tāna whakaaetanga ki Te Rua Mahara o Aotearoa, mehemea ka taea. Me tuku rātau i tā rātau whakaae mai i te wāhitau ī-mēra o te tari. Mehemea ko te whakaaetanga nei he tāpiritanga PDF, he reta rānei, me whai te puka i te ūpoko reta o te tari.
Ka whakamōhio te tari kāwanatanga ki a koe ina ka whakaaetia tō whai wāhi atu ki ngā pūranga e herea ana. Kia oti tēnei, ka taea e koe te whakapā atu ki Te Rua Mahara o Aotearoa NZopen_in_new ki te whakarite i te whai wāhitanga atu ki ngā pūranga.
You have reached the maximum character limit.
You must enable JavaScript to submit this form