Ko te tari whakahaere te tari kāwanatanga ka tuku whakaaetanga kia tirotiro koe i ngā pūranga e here ana (pēnei i ō pūranga) kei Te Rua Mahara o Aotearoa. Hei tauira, ko Te Tāhuhu o te Mātauranga te tari whakahaere mō ngā pūranga whakauru kura.
I te nuinga o te wā, ka herea ngā pūranga mō ngā tāngata i noho herehere, i noho tiaki ki te tari kāwanatanga, ki whakahaere kē rānei, nō reira me tono koe i te whakaaetanga a te tari whakahaere kia whai wāhi atu ki ēnei pūranga. Mehemea kei te hiahia koe ki te tāruatanga pūranga mōu, mō tō whānau rānei, he pai ake kia tuku tono ki te tari whakahaere. Ka taea e rātau te tuku tāruatanga o ngā pūranga kei Te Rua Mahara o Aotearoa, me ētahi atu pūranga e pupuri ana rātau. Ākona ka pēhea te tono i ō pūranga i ngā tari kāwanatanga.
Ko te roa o te wā e tirohia ai tō tono e te tari whakahaere, kei ia tari kāwanatanga te tikanga. Mehemea kei te hiahia koe ki ngā pūranga i mua i tētahi rā, me whakamōhio atu.
Mehemea ka tirotiro koe i te pūranga tētahi o ngā ruma pānui a Te Rua Mahara o Aotearoa, kia oti i te tari whkaahaere te tuku whakaae ki Te Rua Mahara o Aotearoa, ka taea pea te pānui hei taua rangi tonu ki te ruma pānui. Me hari mai koe i te ī-mēra, te reta whakaae rānei kia whakaatu ki Te Rua Mahara o Aotearoa.
Mehemea kua tuhituhi koe, kua ī-mēra rānei ki Te Rua Mahara o Aotearoa kia whai wāhi ki ngā pūranga herekore kei te kohikohinga, ka tae atu pea ki te 15 rā mahi.
You have reached the maximum character limit.
You must enable JavaScript to submit this form