He tika ā-ture tāu kia whai wāhi koe ki ngā pūranga mōu.Ākona he aha ō tika kia whai wāhi koe ki ngā pūranga me ngā take ā-ture whāiti noa nei e kore pea koe e whai wāhi ki ngā pūranga. Ka taea hoki pea te tono pūranga mō tō whānau.
Ko Oranga Tamariki, he tari kāwanatanga e whai kawenga ana mō te whakahaumaru tamariki, rangatahi hoki.
E whai takohanga ana a Oranga Tamariki mō ngā pūranga nāna i waihanga, me ngā pūranga hoki a ngā tari tiaki tamariki nō mua, pēnei i Ngā Tamariki, Rangatahi me te Whānau (CYFS), Te Tari Toko i te Ora (DSW) me te Wāhanga Tiaki Tamariki nō te Tari Mātauranga.
I waihanga mātau i tēnei aratohu me ngā mōhiohio i hōmai e Oranga Tamariki, me ngā tāngata hoki kua tono i ngā tārua pūranga.