Ka tirotiro te Kaitiaki Mana Tangata i ngā amuamu mō ngā mahi me ngā whakatau a ngā tari kāwanatanga me ngā whakahaere kaunihera hoki.
Ka taea e ngā tāngata katoa te tuku amuamu mō ngā mahi, mō ngā whakatau rānei a tētahi tari kāwanatanga.
Mehemea kei te noho koe ki te tiakitanga o tētahi tari kāwanatanga, i noho rānei ki konā i mua, ka taea e koe te tuku amuamu mō ngā whakatau, mō ngā mahi rānei a te tari.
Ka raua atu ko ngā amuamu mō:
Ka taea e te whānau, e ngā kaitiaki, e ngā rōia, e tētahi māngai mōu te tuku amuamu mōu (me tō whakaae atu)
Mehemea e amuamu ana koe mō te whakautu a te tari kāwanatanga ki tō tono mōhiohio, ka taea te tika atu ki te Kaitiaki Mana Tangata. Ehara i te mea me amuamu ki te tari kāwanatanga tonu i te tuatahi.
Mehemea he pakeke koe, e pā ana hoki tō amuamu ki take kē atu (hei tauira, ko ngā mahi, ko ngā whakatau rānei mōu i a koe e noho tiaki ana ki te tari kāwanatanga), ko te kawatau a te Kaitiaki Mana Tangata me tuku koe i te amuamu ki te tari kāwanatanga i te tuatahi.
Mehemea kāore e tau te raruraru i te tuku amuamu ki te tari kāwanatanga, hei reira koe ka āhei ki te tuku i tō amuamu ki te Kaitiaki Mana Tangata.
Me whakapā atu ki Kaitiaki Mana Tangata mā:
Ka taea te kōrero ki ngā kaimahi a te Kaitiaki Mana Tangata mā te huarahi e pai ana ki a koe. Ko te kōrero ā-waea pea, ko te kōrero ā-ataata, ā-tinana, ā-ī-mēra rānei.
Mehemea he pai ake mā te Mana Mātāpono Matatapu koe e āwhina, ka mahi tahi ngā kaimahi a te Kaitiaki Mana Tangata ki te Mana Mātāpono Matatapu ki te whakawhiti i tō tono ki a rātau.
Ina ka tae atu tō amuamu ki te Kaitiaki Mana Tangata, ka whakatewhatewhatia. Ko ētahi amuamu ka kōkiritia whitawhitatia hei tauira, ko te take e pā ana ki te tamaiti ke te tiakitanga o tētahi tari kāwanatanga.
Ka roa ake pea te wā whakatewhatewha i ngā amuamu e pā ana ki ngā mahi, ki ngā whakatau nō mua rāwa.
Kia mutu te whakatewhatewha i tō amuamu, mehemea e mahara ana te Kaitiaki Mana Tangata he kino te mahi a te tari kāwanatanga, ka taea e ia te tūtohi he urupare.
Hei tauira, i runga tonu i te āhua o te amuamu, ka taea e ia te tūtohi me tahuri te tari kāwanatanga ki te:
Hei ētahi wā, ka tono pea te Kaitiaki Mana Tangata i te tari kāwanatanga kia whai whakaaro ki te utu i a koe ki te utu herekore, ki te titiro anō rānei ki te nui o te utu kua whakatakoto atu.
Ko te utu herekore, he momo utu ka utua i runga i te takohanga matatika, me te kore e whāki hara (kawenga), takohanga ā-ture rānei. Kāore e taea e te Kaitiaki Mana Tangata te uruhi te tari kāwanatanga ki te utu.
He kawenga Motuhake, he takohanga hoki ā te Kaitiaki Mana Tangata ki te whakatewhatewha i a Oranga Tamariki. Ka tae atu tēnei ki ngā whakahaere e kirimanatia ana e Oranga Tamariki e pā ana ki te kaitiakitanga o tāngata kē.
Ka whakaratoa pea ē ēnei whakahaere:
Ko ngā tauira o ngā whakahaere:
Ko te tikanga, ka taea e koe te tuku amuamu ki te Kaitiaki Mana Tangata mō ētahi o ngā whakahaere e kirimanatia e Oranga Tamariki.
Mehemea kāore koe i te Mārama he aha ngā whakahaere ka taea te whakatewhatewhea e te Kaitiaki Mana Tangata, ka taea te pātai atu.
You have reached the maximum character limit.
You must enable JavaScript to submit this form