Whakamahia tā mātau puka ā-tuihono ki te tono mōhiohio whaiaro i ngā pūranga mōu kei tētahi whakahaere i Aotearoa.
Ākona ngā kōrero mō te tukanga tono pūranga.
Kei te mōhio koe ko wai pea e pupuri ana i ō pūranga? Rapua ko wai ka pupuri pūranga mō ngā wāhi i noho tiaki ai te tangata.
Kia oti i a koe tēnei puka te whakakī, ka tuku tēnei taputapu i te ī-mēra ki te / ngā whakahaere i kī ai koe ko reira ngā pūranga e hiahia ana koe, me te tono hoki ki ō mōhiohio whaiaro.
Ka raua atu ki te ī-mēra he pānui e whakaatu ana i ngā mahi mā te whakahaere hei urupare atu ki a koe, hei āwhea hoki rātau me urupare atu.
Ka taea e koe te tirotiro tō tono i mua i te tukunga atu. Ka tukua hoki tētahi ī-mēra e whakaū ana kua oti i a koe te puka, e mau ana hoki i ngā ī-mēra ki te / ngā whakahaere.
I mua i tā te whakahaere tuku whakahoki ki a koe me ngā mōhioho whaiaro, ka hiahia ia ki te whakaū i tō tuakiri.
Mehemea e tino whaiaro ana, e tino rahirahi ana te mōhiohio e tono nei koe, tēnei mātau ka tohutohu atu me waea, me tuhi hāngai rānei ki te whakahaere, kaua e waiho mā te ī-mēra.
Hei āwhina i a mātau ki te whakapaipai haere i ngā mahi a te puka, ka whai whakaaro mātau ki:
Kāore mātau e pupuri i ngā mōhiohio i tō tono, kāore hoki mātau e kite i te whakautu ka tukua ki a koe.
Ehara i te mea me whakamahi rawa koe i tēnei puka ki te tono i ō mōhiohio whaiaro. Ka taea te whakapā hāngai ki te whakahaere.
Rapua ngā kōrero mō te whakapā ki ngā whakahaere ka pupuri pūranga mō ngā tāngata i noho tikai ki te kaitiakitanga o tāngata kē.
Ka tuku tēnei taputapu i tō tono ki te / ngā whakahaere ka kōwhiri nei koe.
Me whakautu te whakahaere ki a koe ki roto i te 20 rā mahi i muri i te taenga atu o tō tono (kāore e raua atu ki tēnei wātaka ko ngā wīkene, ngā hararei tūmatanui me ngā ki waenga i te 25 Hakihea me te 15 Kohitātea).
I mua i te tuku mōhiohio whaiaro ki a koe, ka hiahia te whakahaere ki te whakapūmau i tō tuakiri. Ka pātai hoki pea rātau i ētahi pātai anō mō tō tono.
Mehemea ka kī tētahi whakahaere tērā ka tuku atu ia i ō mōhiohio whaiaro ki a koe, engari kāore e raua atu ki te whakautu, me tuku atu e rātau me te kore takaroa mō te koretake.
Mehemea ka kī tētahi whakahaere kāore ia e tuku atu i ō pūranga ki a koe, me whkaamārama he aha ia e whakahē nei i tō tono. Ka taea e koe te Kaikōmihana Mātātapu te tono kia arotake i te whakatau.
Mehemea kei te tono koe i tētahi whakahaere kāwanatanga (pēnei i te tari kāwanatanga), ko te tikanga kāore he utu.
Mehemea kei te tono koe i tētahi pakihi, whakahaere rānei, ka whakanama pea ia i a koe engari me tika tonu te utu.
Mehemea he utu mō ngā mahi nei, me whakamōhio atu te whakahaere i mua tonu.
Mehemea kei te māharahara koe ki tētahi utu e tonoa koe ki te utu, ka taea te tuku amuamu ki te Kaikōmihana Mātātapu.